القصة وكل ما في القضية
آني عراقي ابن عراقي
ابن أرضي الطيبه الوفيه
أسمي حـــــــــــسام
وأبوية محمود
شيعـــــــــــــــــــــــــي
ومذكور مسلم بالهويه
وأخويه الصغير علي
هذا الطيب كله حنيه
أسكن بغداد .. تحديداً مدينتي الأعظمية
رقم الدار عشرة ولون الباب أحمر
لون الباب أحمر.. مايل على البنيه
عشنا سنين ..
ربينا .. وكبرنا
وسقف الدين لمنا وجمعنا
ع الحب ناكل وبالوفا نمنا
ما عرفنا بلحظه الحقد والكراهية
الحافظ الله.. وأسم الرحمن مذكور بكل زويه
وفي يوم دكـَ علينا الباب
وأسمع من وره الباب :
يا اهل الدار أمي أتسلم عليكم
وتكَول أخذو الهديه..
معقـولــــــــــه ؟؟
يمه الحسن ع الباب بيده الخبز والصينيه
كَالت: عيونك الحلوة , الشقيه
حبيتها وحبتني هي
وتعاهدنا ع الوفا وبكَلبها تضمني هي
يمه اريدها أليه
يمه ما اريد إلا هي
الأم : لا يمه هاي بت أم أحمد السنيه
يمه الحب ما يعرف مذهبيه
يمه أريدها إليه
يمه ما أريد إلا هي
الأم: يمه المهر غالي
يمه روحي أقدمها هدية
وشاء القدر ونجمعنا بفد بيت
وع الحلوة والمرة مشت هالدنيه
لكن أيادي الغدر
ما تعرف الرحمة وشكَد تحب أذية
قتلتني .. وقتلتها هي ..
وكل ما في القضية ..
آني شيعي وهي سنية
كل مافي القضية
آني شيعي وحبيبتي سنية