حبيب الروح
زار الكلب طيفك ياحبيب الروح
وتمنة الجسد يوم تلمسك ادينة
بالي دوم يمك بالاسم لي بال
وكلبي بات يمك صبح ناسينة
يــا احلى القصص ياصفحة من تاريخ
كل عشــاكة تحلم توصل ادينة
درب الي جمعنة ريت اتيهن بي
وريت بكلبي اضمك وانسبك لينة
تانيتك عمر معقولة هسة وياي
احضني حبيبي وزيح كل بينة
حبيبي انطيك روحي هاك اخذني وياك
وعليك الله حبيبي حبك انطينة
بية انتة كبرت وبية انتة بقيت
واحب حتة اذيتك عفية اذينة
ينساني القهر لو شافتك هالعين
انتة الي احبة وطيني من طينة
بية المنى ما ارمش وانا وياك
مارايد اضيع نظرة من عينة
تايه بالعشك عطشان الك والله
وريت بشوفتك كون الله يروينة
ينساني الامل وانسى افكر بي
ارد انة اصنعة مو هوة يجينة
زار الكلب طيفك ياحبيب الروح
وتمنة الجسد يوم تلمسك ادينة
تقبل تحياتي
موضوع: قصيدة....حبيب الـــروح 
الإثنين ديسمبر 22, 2008 5:43 am
